Arnoldus, abt van Egmond, bevrijdt

Arnoldus, abt van Egmond, bevrijdt voor een som gelds eenige keurmedigen onder zekere bepalingen.
1231, Januari 14, Haarlem.
In nomine Domini. Ego Arnordus (a1), Dei permissione Egmundensis abbas, notum facio omnibus tam presentibus quam futuris presens scriptum intuentibus, quod, necessitate ecclesie mee urgente, de voluntate domini Florentii, comitis Hollandie, et de consilio totius conventus et Willelmi de Egmunda, advocati nostri, et hominum ecclesie, ministeriales ecclesie nostre a rivulo in Galenvort decurrente usque ad parrochiam Kasterchem commanentes et eorum filios et filias eorumque successores ab eo jure, quod vulgo curmedem dicitur, quo nobis et ecclesie nostre actenus astricti tenebantur, quadam summa pecunie mediante, liberos et inmunes dimisimus. Verum ne ab ecclesia nostra alienati esse videantur, salvo per omnia nostro et corum jure, servicia que [actenus] (a2) ecclesie nostre inpendere consueverant, nobis nostrisque successoribus reservavimus. Presertim si aliquis istorum cum ministeriali ecclesie nostre, qui memoratum jus silicet curmedem solvere tenetur, matrimonium contraxerit, decrevimus, ut eorum filii conditione matris teneantur astricti. Volentes itaque utilitati tam ecclesie quam ministerialium predictorum providere, ne progressu temporis ipsis aut eorum posteris error aliquis oriatur, nomina singulorum in alio scripto, quod ecclesia penes se reservabit, conscribi fecimus. Ut autem ista rata et inconvulsa permaneant, sigilli mei et domini Florentii, comitis Hollandie, et conventus et Willelmi de Egmunda, advocati nostri, appensione et testium subscriptione presentem paginam dignum duximus communire. Si quis autem [huic] facto nostro rationabili ausu temerario contraire presumserit, anathema sit. Testes: Machtildis, comitissa Hollandie, Willelmus frater comitis, Theodericus decanus [Kene]marie, Heinricus de Emcekerke, Mauricius de Limben, Gerrardus de Egmunt, Lybbertus de Heilgelo, Bartholomeus de Bergen, sacerdotes, Willelmus de Theilingen et Theodericus frater ejus, Isbrandus de Harlem, Nicholaus Persin, Waltcrus de Harlem, Theodericus de Wasnar, Jacobus de Heilgelo, Gelekinus de Riswic, Bartholomeus de Ha[rle]m, Bartoldus de Ackerslote, Isbrandus de Rinningem, Dodo de Heilgilo, Gerbrandus de Alkmar et frater ejus Theodericus, Adalbertus de Hagen, Theodericus de Lan, Gerardus et Werenboldus de Rinningem, homines ecclesie, Theodericus de Velsen, Me[nso] et Johannes servi abbatis et alii quam plures. Actum anno Dominice incarnationis MoCoCoxxxo, apud Harlem, xviiijo kalendas Februarii.